27.06.2024, 15:30 383
- "Hraparak" xəbər verib ki, Ermənistanın xarici işlər naziri Ararat Mirzoyan Tallində eston həmkarı Marqus Zakna ilə söhbətində Güney Qafqazdakı və Ermənistandakı son olaylardan bəhs edib.
O, deyib ki, Ermənistan Türkiyə ilə diplomatik münasibətlərin qurulmasına, sərhədlərin açılmasına Tam hazırdır. "Biz artıq Türkiyə-Ermənistan sərhədinin üçüncü ölkələrin, Ermənistanın və Türkiyənin diplomatik pasportlara malik vətəndaşlarının gediş-gəlişi üçün konkret razılaşmalar əldə etmişik. Zənnimcə, bu razılaşmaları həyata keçirmək vaxtıdır"- deyə o, vurğulayıb.
Agentlik onu da xatırladıb ki, Ararat Mirzoyanla Türkiyənin xarici işlər naziri Hakan Fidan iyunun 25-də telefonda ikitərəfli, həmçinin regional məsələləri müzakirə ediblər. Bu ilin martında isə hər iki nazir diplomatların Antalyada keçirilən toplantısında görüşüb bir sıra mühüm məsələlər barədə fikir mübadiləsi aparıblar.
Nəsib Qaramanlı
