28.02.2023, 12:20 412
- Rusiya Federasiyasının xarici işlər naziri Sergey Lavrovun Azərbaycana iki günlük rəsmi səfərə gəlməsi və Müzəffər Ali Baş Komandan, Prezident İlham Əliyevin onu qəbul edib mövcud reallıqları şərh edərkən Ermənistandan danışıqlar prosesində müsbət gözləntiləri olduğunu vurğulaması ermənilər tərəfindən birmənalı qarşılanmayıb.
Bəzi politoloq və siyasi ekspertlər rəsmi İrəvanın da danışıqların aparılması üçün bütün lazımi şəraitin yaradılmasının tərəfdarı olduğunu bildirsə də revanşçı müxalif qüvvələr, el təbirincə desək, kor tutduğunu buraxmaz prinsipindən çıxış yolu axtarmaq belə istəmirlər. Onlar həyasız tərzdə belə bir fikir yayırlar ki, danışıqlarda müxalifət partiyalarından olan liderlərin iştirakını təmin etmək məqsədilə Azərbaycan tərəfinə şərt qoyulmalıdır. Bu isə hakimiyyətin əsas fiqurları tərəfindən qətiyyətlə rədd edilir və vurğulanır ki, erməni xalqının ümummilli məsələlərinin müzakirəsinə talançılar, korrupsiya başçıları qətiyyən buraxıla bilməz.
Bu barədə bu günkü paylaşımında xəbər verən "Hraparak" onu da bildirib ki, müxalifət yenidən mitinq keçirmək üçün təbliğata start verib.
Göründüyü kimi, haylar yenə cığallıq etməyə çalışırlar. Bu cığallıq isə yenə onların öz başlarında çatlayacaq.
Nəsib
