06.09.2023, 15:23 264
- Zəngilan Rayon İcra Hakimiyyətinin başçısı Ramiz Həsənovun növbəti səyyar qəbulu Səbail rayonunda məskunlaşan zəngilanlı sakinlərlə keçirilib. Qəbulda Rayon İcra Hakimiyyətinin məsul əməkdaşları, şəhər, qəsəbə, kənd inzibati ərazi dairəsi üzrə nümayəndəliklər, idarə, təşkilat rəhbərləri iştirak ediblər.
Qəbul zamanı şəhid ailələrinin, qazilərin, müharibə iştirakçılarının müraciətləri növbədənkənar, digər sakinlər isə növbəlilik əsasında qəbul edilərək dinlənilib.
Qeyd edək ki, müraciətlər əsasən Zəngilan rayonunda Şəhidlər Xiyabanında abidənin qoyulması və maddi yardımla bağlı olub.
Vətəndaşların müraciətlərində qaldırılan məsələlərin həlli istiqamətində müvafiq tədbirlərin görülməsi ilə əlaqədar aidiyyəti qurumlara müvafiq tapşırıqlar verilib.
Mina RƏŞİD
