16.05.2025, 16:23 328
- Ermənistanın Baş naziri Nikol Paşinyan gələn il keçiriləcək parlament seçkilərinə hazırlıqlar çərçivəsində hakim komandada kardinal dəyişikliklər etmək niyyətindədir. Dəyişikliklər təkcə Ermənistanın mərkəzi hakimiyyət orqanlarında deyil, yerli strukurlarda da aparılacağı gözlənilir.
"Vətən səsi" xəbər verir ki, bu barədə Ermənistan mətbuatı məlumat yayıb. “Joxovurd” qəzetində dərc olunan məqalədə bildirilir ki, ölkənin baş naziri Nikol Paşinyan əhəmiyyətli yeniliklər etmək qərarına gəlib: "Son həftələr dövlət qurumlarında gərgin ab-hava müşahidə olunur. Müxtəlif strukturlarda irimiqyaslı yoxlamalar aparılır. Əvvəlki illərdən hesabatlar və rəsmi yazışmalar da daxil olmaqla, çoxsaylı sənədlər tələb olunur. Dosyelər toplanaraq Paşinyana şəxsən təqdim olunur”, – nəşr yazıb.
Məlumata görə, artıq bəzi məmurlara xəbərdarlıq edilib. Xüsusilə hökumətin tərkibində yüksək səlaiyyətə malik strukturların rəhbər heyətnə bununla bağlı göstəriş verilib: “Onlar sürprizlərə hazır olmalıdırlar. Nikol komanda yoldaşlarına yerli prosedurlara ciddi əməl etmələri və diqqətli olmaları barədə açıq mesaj verib. Genişmiqyaslı “təmizləmə əməliyyatı”nda hədəfin kim olacağı hələlik bəlli deyil”.
Elxan SALAHOV
