12.12.2024, 12:06 215
- Qərbi Azərbaycan İcmasının dekabrın 5-6-da keçirdiyi ikinci beynəlxalq konfransı erməni mətbuatında geniş yer verilən mövzulardandır.
"Hraparak"ın bu günkü yayımında xəbər verilir ki, hökümətin baş nazir Nikol Paşinyanın sədrliyi ilə keçirilən növbəti iclasında dördü qapalı olmaqla 57 məsələ barədə söhbət olub. Müxbir Karen Martirosyan yazıb ki,bu iclasda da Qərbi Azərbaycan İcmasının Ermənistanla bağlı fəaliyyəti barədə fikir mübadiləsi aparılıb.Sözügedən İcmanın beynəlxalq təşkilatlara və Ermənistan hakimiyyətinə ünvanladığı müraciətin artıq həm hakimiyyətdə, həm də siyasi mətbəxdə gündəmə çevrildiyi açıq-aşkar görünür. Müəllif sonda əlavə edib ki, hakimiyyətdəki proseslər belə davam edərsə, azərbaycanlılar öz istəklərinə yenə nail olacaqlar.
Təki belə olsun!
N.Qaramanlı
