11.10.2022, 12:44 703
Milli Azərbaycan Tarixi Muzeyinin Vətən müharibəsi fondunda şəhid baş leytenant Teymur Məcidzadəyə məxsus kitel, şalvar, bloknot, saat, fotoşəkillər və sənədlər qorunur.
Bu barədə muzeydən məlumat verilib.
Teymur Məcidzadə 1992-ci ildə Füzuli rayonunda anadan olub. 2010-2014-cü illərdə Azərbaycan Dövlət İqtisad Universitetində Dünya iqtisadiyyatı ixtisası üzrə təhsil alıb.
T.Məcidzadə 2020-ci il sentyabrın 27-də başlanmış Vətən müharibəsi zamanı Cəbrayıl, Füzuli və Şuşanın azadlığı uğrunda döyüşlərdə fədakarlıq və igidlik nümunəsi göstərib və noyabrın 9-da şəhidlik zirvəsinə ucalıb. “Vətən uğrunda”, “Cəbrayılın azad olunmasına görə”, “Füzulinin azad olunmasına görə”, “Şuşanın azad olunmasına görə”, “Hərbi xidmətlərə görə” medalları ilə təltif olunub.
