27.01.2025, 13:12 329
- Həmişə Azərbaycanın, Türkiyənin, eləcə də baş nazir Nikol Paşinyanın əleyhinə hətta senzuradankənar ifadələr ünvanlayan müxalif deputat Geğam Manukyan qardaşı, separatçı rejimin "generalı" David Manukyan Bakıda istintaq təcridxanasında çay içməyə başlayandan sonra daha da kobud danışsa da, nədənsə sonra, necə deyərlər, dilini qıfılladı. Arabir danışanda da yalnız Nikolu qınadı, dedi ki, o deməsə idi ki, "arsax həyasızstandı" indi qardaşı Bakıda çay içməz, Araikin "arsax şərab" sexində hazırlanan konyak, araq, çaxır içər, hələ İrəvandakı qohumlara da göndərərdi.
Bax bu Geğam yenə düşüb Nikolun üstünə - deyir ki, Nikol Davosdakı tədbirdən sonra İsveçrədə qanuni, ya qanunsuz yaşayan hayların təşəbbüsü ilə onlarla görüş keçirib. Bir hay deyəndə ki, Vazgenin goru haqqı, Türkiyə bizi "genosid" edib və filan qədər hayı gəbərdib, Nikol deyib ki, qələt elə, sən bilmirsən o vaxt nə necə olub. Sonra da başlayıb bir qədər də danışmağa. Deyib ki, başa düşmək lazımdır nə necə olub, kimin sayəsində olub. Niyə, məsələn, 1939-cu ildə deyil məhz 1950-ci ildə "erməni soyqırımı" gündəmə gəlib. "Bu necə olub, niyə olub? Biz, nəhayət, bunu başa düşməliyik, ya yox?" - deyə o, bütün hayları qanmazlıqdan əl çəkməyə çağırıb. Hayların kompüterdə yazanlarının çoxu isə düşüblər Nikolun üstünə ki, niyə elə deyirsən, niyə qoymursan elə qanmaz qalaq. Bax, həmin bu Geğam da Nikolun adresinə diş qıcayır. Qanmır ki, bir gün qardaşı ilə bir kamerada çay içər, yanıqpəyəli Cabir isə baxıb gülümsəyər.
Nəsib
