11.07.2024, 11:29 392
- Hayların Rusiya meylli "Hraparak" media şirkətlər qrupunun bu günkü buraxılışında Qohar Vartanyan adlı, soyadlı bir cavan Kiranç kənd sakininin Feysbuk səhifəsində yazdığı status necə var eləcə də paylaşıb. Qohar belə yazıb: "Aha, Ermənistan Respublikasının qanunundan belə çıxır ki, sərhəd zolağında yaşadığıma görə evimdə oturub spirtli içki qəbul etmək hüququm yoxdur."
O, daha sonra əlavə edib ki, Ermənistanın dövlət sərhəddi haqqında qanunun 22-ci maddəsində bu açıq-aydın göstərilib. Yazılıb ki, sərhəd xəttində yaşayanların oraya girişi və spirtli içkidən istifadəsi qadağandır. Erməni qadın ironiya ilə xatırladıb ki, azərbaycanlılar müsəlman olsalar da yeyib-içib şənlənirlər, biz isə müsəlman olmasaqda bundan məhkumuq, deməli, onlar yox, Kirançın hayları müsəlmandır.
Xatırladaq ki, Qazaxa yaxın ərazidəki Azərbaycan-Ermənistan sərhədi ermənilər yaşayan Kiranç kəndinin lap yaxınlığından keçir və keşiş Bağratın hakimiyyətə qarşı etiraz aksiyaları məhz həmin kənddən start götürmüşdü.
N.Qaramanlı
