03.03.2023, 09:01 395
- Dünən Ermənistan mətbuatına istinadən xəbər vermişdik ki, baş nazir Nikol Paşinyan Almaniyaya iki günlük səfəri çərçivəsində bir sıra görüşlər keçirib və bu davam edir. Erməni mətbuatının xəbərləri sırasında bu mövzu yenə də ön sıradadır. Öncə AFR-ın kansleri, sonra prezidenti ilə görüşən erməni baş nazir Azərbaycanın ünvanına ənənəvi yalanlar və böhtanlar söyləyərək özlərini demokratiya tərəfdarı kimi təqdim etməyə çalışıb.
Milli mentalitet baxımından dürüst olan almanların hayların yalanlarına bu dəfə də aldanaraq həqiqətə uyğun olmayan fikirlər ifadə etməsi onların da Qarabağdakı olayları hay düşüncəsi ilə dəyərləndirdiklərini sübut edir. Belə olmasaydı, kansler də, prezident də ən azı balanslı fikirlər səsləndirərdilər. Bir diqqət çəkən məqam da budur ki, Paşinyan hər iki alman rəhbəri Ermənistanın Rusiyaya kömək etmədiyinə də inandıra bilib. Bu isə separatçılara humanitar yardım ediləcəyi barədə rəsmi vədə təkan verib.
Nəsib
